احزان ومصائب وعلاقات فاشلة هذا مالا تعرفه عن حياه الانفلونسرز
بتفيق الصبح بتمسك جوالك بتلاقي حالك بحمام بلوقر وهي عم تحط مكياج قدام مرايه بتساوي نص راتبك الشهري ثم بغرفه نوم فنان مشهور او بتلاقي حالك بحساب مشهور عم يأخذك جولة بسيارته وبتلاقي وحده لابسه فستان انيق وبتشرحلك عن سر جمال بشرتها وكيف صارت هيك بعد استخدامها للمنتج الجديد اللي بتدعوك انك تشتريه وتستخدمه
وبتلاقي حالك عم تحط لأيك على هديه زوج لزوجته بليلة عرسهم
لحظة .. ما تعبت من المشاهدة ؟ ارجع لواقعك لغرفتك الى دهانها قديم وملابسك الي اشتريتهم على العيد السابق ولفطورك الي بتأكله بسرعه حتى تلحق تلاقي سيارة اجرة توصلك لشغلك وبالطريق ممكن تحسب كم جمعة مشان تستأجر شقه عاديه او سيارة بسيطة تقضي مشاويرك
عن جد اصبح العالم قرية صغيرة بكبسة زر بتطل على مطبخ شخص ما بتعرفه وبتقراء مقاس تيشرت لوحده وتعرف وزنها ولون احمر شفاءها بتحدث الصفحة بتعرف وين بيتمرن فلان وكم كيلو خسر بسبب مدربه المعروف وماركة بدلته الرياضية
هل حسيت لو لمرة بالغيرة تجاه احد بتابعه ؟؟ او تمنيت ما عنده ؟ مما يعرضه لك ؟
هل حاولت تشوف شو هي طبيعة عمله الي وصلته لهذا المستوى البراق من المعيشة ؟ هل بحثت يوم عن حساب زوج الي ارسل لزوجته الورد والهدايا ؟ اللي بتصورهم كل يوم على حسابها ؟ هل ادخرت مصروفك مشان تجرب المنتج الي قالت عليه عارضة الازياء بالتيك توك انه هو سر جمالها ودقة خصرها ؟
اللي ما ساوته السوشل ميديا في جانب اخر انها اعطت فرصه للمراقبة والمقارنة وعدم الرضا
بتشوف مراهقات عم تابع مشهورات مشان تتعلم تحط مكياج وتحاول تطلع نفسها للمشهورة علما بان هي المشهورة بتعيش بدولة أوربية واللي بتابعها بتعيش بحارة ضيقة تخضع لعادات وتقاليد معينة
شباب مراهقين ما نامت اذرعهم هنن يحاولوا يدربوا على رفع الاثقال لتربيت عضل مثل اللاعب المشهور على الإنستغرام
وحده بتطلع كل الموجود بالثلاجة مشان تصور فطور صباحي بيستحق الكثير من التعليقات والايكات واحد بيشوف ممثله وبيقول لمرته ( هيك النسوان يأبلا شوفي وجها وجسمها ) .
وفي هذه الحرب النفسية واليومية بل اللحظية بما ان الجوال ما بينزل من معظم الايدي
بيتحول الكثير من متصفح عادي الى لاهث خلف المعاينة والمقارنة لدرجة الحزن والاكتئاب بيظل بيردد ليش ما عندي مثله ؟ ليش هو يمتلك هذا شي وانا لا ؟ ليش مو سعيدة مثل فلانة ؟ ليش زوجي مو حنون مثله ؟ ليش زوجتي مو جميله مثل فلانه ؟ ليش جسم زوجي مو معضل مثل فلان !! ووهيك حتى ينفصل الانسان عن واقعه ويصير فجأة كاره لنعمه مستصغر كل شي حوله غاضب بيظل يسخط
لكن قبل ان تدخل هي الدوامة من المقارنة ؟ فكرت يوم بالزاوية اللي ما بتظهرها الكمرة عن هذا الشخص مشهور او عن هذا الغني ؟ فكرت بالساعات اللي ما بتصور فيها هذي البلوقر ؟ هل فكرت بالأمور مخبينها من حزن ومصائب ومرض علاقات فاشلة عن متابعين ؟؟
طبعا لا لأنك بتظن حياته كلها الي يعرضه لك و بتنسي انه يعرض اللي بده هو انك تشوفه فكمان هم بشر بيصابوا بالمرض والحزن حتى في دراسات عن الاكتئاب وعلاقته بالشهرة ومنها دراسة نشرها جورنال اوف سايكولوجي ان الشهرة اللي تجيب فلوس وخلود الذكر والتميز عن الناس غالبا ما يكون لها ثمن على مستوى الصحة النفسية وان صورة شخص مشهور مختلفة تماما عن صورة الحقيقية البعيدة عن الاضواء .
بعد زمن من متابعة الحسابات البراقة من سفر ومساحيق تجميل والبسة ومشاهير راح تكتشف ان تركيزك صار موجه لهذي الاهتمامات مو شيء سي بالعكس لكن لما راح ترجع لواقعك وخياراتك ملموسة والممكنة راح تحس بالاسى بين الفجوة اللي بتعيشها وبين الي بتتمناها ..
وما تنسى انهم يعرضوا فقط افضل الموجود عندهم ومو كل شي ، ما احد راح يعرض خيباته ، ما راح يعرض ديونه ، ما راح يعرض بشرته متعبه او بطنه مترهل ، او عائلته المهملة ، ما احد بيعرض رسوبه في الامتحان ، هنن فقط بيعرضوا اللي بدهم تعرفه ويسوقوا له .
لهيك لا تخلي من اهتماماتك سلعه يشتروها ولا تحتقر واقعك ونفسك فالصورة ليست كاملة وخلفه يوجد الكثير من النقص فبشرية الانسان غير كاملة .
ان الله سبحانه وتعالى قد من علينا بكثير من النعم، وهذا من فضل الله عز وجل ورحمته بعباده، ووعد الله ( لإن شكرتم لأزيدكم )، فيجب علينا دائما أن نحمد ونشكر الله عز وجل على نعمه وفضله حتى لا تزول .