حققت هدفك ؟ او ظل مجرد حلم ؟
هدفك حقيقه او مجرد حلم ؟؟
انتظار سنة جديده لكتابه الهدف !!
اذا انت كنت من الاشخاص اللي تنتظر بداية سنه هجريه عشان تحط خططك واهدافك فأبشرك بعد ٤ ايام بتبدء سنه جديده بس احب اقولك ان الوعي الجمعي هو اللي يحمس كثيرين انهم يبدوء يسجلوا اهدافهم كالعادة كل سنه لكن لو جيت فعليا للواقع فانت مو محتاج تنتظر سنه جديده ابدء من الساعة الي انت تعيشها الان يعني انتبهت ان انت عايش بشكل عشوائي وبدون اهداف او خطة في حياتك لا تأجل موضوع امسك ورقه وقلم او افتح ملاحظه وسجل فيها ،
وسجل اهم 10 اهداف بدك تشتغل عليهم اهم شي يكون يخدمك لك ويطور منك انت شخصيا للأفضل .
من 10 الأهداف هذي اختار اهم هدف تخيل معك عصاء سحرية بتحقق لك حلمك خلال ٢٤ ساعه فقط فأي حلم تختار ؟ وتحقيق هذا الهدف راح يغير حياتك كلها ويعمل نقله في حياتك وبيكون له اثر ايجابي في حياتك واذا تحقق راح يساعدك تحقق باقي اهدافك ؟
مثال : حطيت هدف اني امتلك مليون ريال في حسابي هذا اسمه
( هدف الرئيسي ) اذا كتبت كذا وسكت معناها انت تحلم لكن لو كتبت خطوات عمليه انت هنا حولة الحلم لحقيقه ولو اشتغلت عليه هنا انت حققت معنى السعي وبصير شي ملموس وهذا الي امرنا الله فيه .
الخطوات : هنا انت محتاج تنفض عقلك شوي عن معلومات الي مخزنه فيه ( عصف ذهني ) وتخليه يطلع كل معلومة انت تعرف انها تناسب تستخدمها عشان بتحقق هدفك ( بعد ما تكتب المعلومات كلها الي تعرفها او تتوقعها تفيدك راح تبدء عمليه البحث حاليا فقط اكتب ما تعرف ) .
مثال : مدرس ماده الرياضيات للمرحلة الابتدائية .
( اي تخصص انت موجود فيه اكيد فيه نفع وفيه افكار👌 )
- صدق النية ( ان تكون نيتك خالصه لله ) وان تكون غايتك سامية يعني اقدم زكاة علمي ، اقدم شي ذو قيمة وهكذا ..
- الدعاء ( ادع الله ان يرزقني الرزق الحلال ويبعد عني الحرام وان يبارك في رزقي وان يغنيني من واسع فضله وكرمه ) .
- الصدقة : ما انسى ان الصدقة لها فوائد عظيمة انت الي تحددها بشكل يومي او اسبوعي وهكذا .
- الزكاة : ما انسى حق الله علي في اني اطلع زكاة اموالي اذا بلغت النصاب .كتابة مجموع الكامل لمبلغ الراتب ( اذا كنت تشتغل دوام او في دوام اضافي ) .
- عمل ميزانيه للراتب بالالتزامات الضرورية للحياة ( كهرباء ، اجار ، مقاضي ... وغيرها ) .
- ادخر من مدخولات اقل شي نسبه ١٠ ريال او ٥٠ او ١٠٠ ريال تحديد نسبه هذا يعتمد بعد عمل حسبه كامله للالتزامات .
- الاستثمار في الاسهم .
- تقديم دورات تعليميه في مجال الرياضيات .
- عمل قناة على يوتيوب لتقديم شروحات او نصائح عن الدراسة .
- اعطاء دروس خصوصيه للطلاب .
- اخذ دورات تطويريه شخصيه لرفع مستوى التعليم والمهارات لدي .
- عمل افكار او العاب تعليميه للأطفال لجعلهم يحبوا مادة .
- اعطاء دروس تعليميه للأطفال .
اترك صفحه مفتوحه لا تكمل تحتها لان ممكن بعدين تطلع افكار جديده فترجع تسجلها .
نبدئ بالخطوة الثانية الجوهرية وهي التنفيذ :
نبدئ بالخطوة الثانية الجوهرية وهي التنفيذ :
اقراء النقاط الي سجلتها اي نقطه فيهم اسهل وعندك معرفه معقولة الى حد ما فيها ومتوفر الامكانات ابدء فيها مباشرة نفذتها و خلصتها ( حط علامه صح او غطيها باللون الاصفر )
انتقل للنقطة الثانية واشتغل عليها اخترت الميزانية : ما اعرف اساوي ميزانيه بس اعرف ان فاتورة كهرباء كل شهر من ٤٠٠ الى ٦٠٠ ريال و الماء ٢٠٠ ريال و المقاضي ١٥٠٠ ريال بين خضروات ومعلبات وهكذا كتبت الي اعرفه وبعدين ؟ ( هنا ابحث واقراء وممكن احضر دوره تعلم اكثر عن طريقه عمل الميزانية حسب الحالة الاجتماعية ) .
احط خطوات ممكن تفيد في ميزانية مثل : التفكير كم يوم اذا قررت الشراء لشي جديد من الكماليات .
الشراء بالدفع كاش بدل من استخدام الابل بلي وهكذا ..
اقسم الموضوع على اسبوع اسبوعين او شهر ( حسب معلوماتك وتطبيقك ) اذا كنت صفر معلومات فانت محتاج وقت ، لا تركز على تجميع معلومات فقط طبق طبق طبق .
افتح صفحه جديده واسجل فيها كل معتقداتي عن المال :
الفلوس وسخ دنيا ❌
الفلوس تغير النفوس ❌
الي معهم فلوس تجار ممنوعات ❌
التجار حرميه ❌
وغيرها الكثير من المعتقدات والافكار الي موجودة توثر بشكل سلبي بشرح عنها باذن الله بموضوع مستقل بس حاليا سجلها عشان بعدين تشتغل عليها
🏆 نصائح ذهبية :
- لا تستعجل قطف الثمار .
- استمتع بالرحلة .
- جدد النية باستمرار .
- استمر استمر استمر .
- المتابعة اسبوعيا او شهريا لنتائج الهدف .
- الفشل هو ان تتوقف عن المحاولة .
- النجاح هو ان تخطئ وتحاول من جديد .
انني افضل ان اصنع هدفا واحدا واستطيع انجازه في الوقت المحدد على ان اصنع عشرة اهداف لا استطيع انجاز اي منها ايلون ماسك .
التسميات :
خربشة حروفي