دفتر الطبخ ، ملف طبخات ، الوجبات الصحية ، بيت الداء والدواء طبخات ، تعلم الطبخ ، الاكل الصحي

دفتر الطبخ 

طبعا نحنا الصبايا بمرحله عمريه معينه لازم نبداء نتعلم طبخ مو عشان صحتنا لا عشان العريس الي راح يجي ويأخذنا للمملكة الجديدة فلازم نهتم فيه وندلع كرشته وبعدين مشان الاولاد الي راح نجيبهم ومشان نكون ست بيت قدام اهل الزوج ومشان نافس باقي النساء بالمجالس مين اشطر بالطبخ ومين طبخاتها اطيب .


بالنسبه لي شخصيا ماكان من ضمن اهتماماتي الطبخ ابدا ولا كنت بفكر اتعلمه لان امي الله يحفظها لنا ويطول بعمرها كانت هي المسوولة عن هذا شي نحنا بس كنا مساعده بسيطه ترتيب تقطيع تنظيف هيك فكان كل همي وقتها دراستي الثانوية وبيوم من الايام انحطيت بظرف اجباري وطارى جدا كنت بالصف الثاني ثانوي واختي كمان بالمتوسطة فتم نقل امي للمستشفى راح تظل فيها كم يوم لانها راح تجيب قطعه سكر جديدة للعائلة فكان الطبيعي ان نحنا نلاقي حل سريع ونطبخ مشان ناكل فكانت الطبخه الوحيده الي موجوده بذاكرتي والي بعشقها لانها اول اكله تعلمتها وبقدر ساويها هي مفركة بطاطا ( هي لحمة وبصل مع بطاطا ) المعقول اني ساوي طبخة صغيره ههههههههه بس الي صار اني ساويت حلة كبيرة وظلينا اسبوع ناكل منها ومافي تجربه الا وجربتها عليها مع بيض و سمبوسة بالفرن ، بالزيت ، ومع اسرع شوربة مي وماجي وشعيريه هههههه وجربت كمان اطبخ رز وايدام كمان بالبطاطا طلع الايدام طيب بس الرز طلع مثل السيلق بس ناقصه شويت بهارات او فعليا خليني قول اقرب لمسلوق واختي ساوت معكرونة فكانت لذيذه بس بحكم ان العائله مدلعه بطبخات امي فما كان في رضاء ابدا عن الشي الي عم نساويه فقرروا اهلي يشتروا اكل جاهز وفعليا ظلينا كم يوم هيك لين طلعت امي بالسلامه وبعدين امي صارت تقعد بالمطبخ وتعطيني تعليمات وانا فقط طبقها بعدين انتهت الفتره هي ورجعت امي لطبخاتها لذيذه ..


طبعا ومرت السنوات وبعد الثانوية كان لازم ابدء اتعلم لان ابن حلال دق الباب فعليا تعلمت كمان كم طبخه بس عم انساهم فقلت يلا مع الايام بينحفظوا بحكم ان الي حولي كلهم ما شاء الله اسالهم عن طبخه تعطيني ياها (تحت قاعده التكرار بيعلم شطار فمن كثر ما اطبخها راح اتذكرها ) قلت اوك فصرت احفظ نص الطريقة ونصها لا . 


ومرت الايام وانتهت قصه الخطبة فانتهى موضوع التعليم بس كان لازم لاقي حل مناسب مشان احتفظ فيهم لان ولا طبخة علقت براسي . 


فجبت دفتر واحتفظت فيهم كان بس 6 طبخات ومن ضمنهم الشطة الي كانت كثير سهله بس انا ما حفظت طريقتها وبالصدفة الدفتر صار بين ايدين اخي وما بقي حده بالبيت ما عرف بالقصة واستلموني نكت وضحك ومن بعدها انا رجعت وقفت كتابه بحكم في شغلات اهم ساويها واتعلمها .


بس كنت كل فتره ساوي صينية حلى واحتفظ بالصورة على لاب توب
ونسيت موضوع طبخ حتى اجى الوقت الحقيقي والجدي وللأسف ما عرفت من وين بدي ابدء اتعلم وشو بدي ساوي وشو بدي اترك بحكم ان امي طباخه رائعة واكلها لذيذ وانا هات ايديك والحقني ( يعني يمشي حال ) فطلعت الدفتر ونفضت عنه الغبار مشان ارجع استخدمه ههههههههههه فالي صار انوا رحلت التعلم كانت ماشي حالها صرت مثل الصحفية الي بتلاحق الاخبار اول باول ههههه ماسكه ورقه وقلم وبلف بالمطبخ مع امي مشان اكتب مقادير .


فتره وحسيت انوا موضوع ممل وطويل وبده فيقه بكير وانا كنت بمر بفتره شوي معقده فما قدرت زبط موضوع وتركته وصرت الطبخة الي احضرها سجلها والي لا خلاص بعدين .


بعد كم سنه ارجعت انحطيت بموقف لا احسد عليه امي سافرت ونحنا بدنا نطبخ هل مره شوي وضع احسن بحكم انوا عند دفتر مسجله فيه وبنفس وقت في نت بقدر استفيد منه . 


فكانت الطبخة الي راح ساويها هي الباشميل وكانت مقادير بالملعقة انا حطيت بالكأسة الطحين وزادت الكميه ضعف فساوينا وقتها باشميل و كيك وحلى الخبيصة (على طريقة صديقة اختي ) .


وبعد مرور فتره وانا قاعده جلسه رواق وتامل حقيقي اخذني التفكير لبعيد ليش امهاتنا الله يطول بعمرهم ما بيلعمونا وبيزرعوا فينا حب الطبخ مشانا نحنا مشان صحتنا مشان نفسيتنا بحكم ان المعدة بيت الداء والدواء وغيرها كثير من الاسباب الي بتركز علينا بعدين على الي حولينا لان فعليا اذا نحنا عملنا هذا شي بحب واستمتعنا فيه راح نقدر نعطيه افضل من مجرد اكل لتعبئة المعدة .  

ومن هون كسرت اول قاعده للأمهات وهي اني اتعلم الطبخ كرمالي انا كرمال صحتي وجمالي . 

انا اليوم فعليا ما بطبخ بس لمجرد عبي كرشتي لا بطبخ لان هذا شي بيخليني استمتع بالرائحة والنكهات ولان الاكل غذاء الجسم و هو الاساس لصحتي وتفكيري وجسمي وبشرتي فهذا شي جدا مهم غير هيك لما بنفهم اهمية الاكل وقتها ممكن راح نبحث اكثر عن الاطباق لذيذة والمفيدة والي بتغذينا وبعدها هذا شي راح ينعكس بالإيجابية على عائلتي وزوجي وولادي .


فكانت نتيجة هذي الخطوة ملف طبخاتي .. بطريقتي والي راح اقدر احفظ فيها كل تجارب وكل الاكلات الي حبيتها عشان يكون كمرجع لي .


هذا الدفتر الصغير هو لكل وصفه بجيبها من نت او من اي شخص بعدها بجربها وبعدين بيتم نقلها للملف الاساسي ولقسمها خاص. 

بالبداية انا استخدمه دفتر مدرسة العادي بعدين طورت الفكرة لملف و حطيت بداخلها اقسام الي انا محتاجتها مثل : ( الشوربة ، السلطة ، المشروبات ، الوجبات الاساسية ,غيرررها ) واستخدمه اوراق البحث حتى اسجل عليها طبخات واشتريت من المكتبة الملفات الشفافة للملف حتى تحافظ على الاوراق بداخلها اطول فتره ممكنه . 

سُبحانَكَ اللَّهمَّ وبحمدِكَ، أشهدُ أن لا إلَهَ إلَّا أنتَ أستغفرُكَ وأتوبُ إليكَ .

المعدة بيت الداء والدواء