العنايه والاهتمام بالجسم ، ماذا يعني اهتمام ؟ كيف اهتم بنفسي ! كيف تعتني المراءة بجمالها ؟

العناية والاهتمام بالجسم والنفس شي مهم لكل صبية على وجه الارض بخليك تحسي حالك دائما في قمة جمالك واناقتك و بتتغير نفسيتك 180 درجة وتزيد ثقتك . 

طبعآ بشوف بنات كثير بتكاسلوا ف حبيت قلكم كم نصيحة لأن يهمني أفيدكم وأخليكم تستمروا على العناية 
                  العنايه في قاموسي ( نظافة + دلع + انوثة ) . 

ما راح خليك تعيشي بعالم الاحلام راح اخذك مشوار صغير معي لعند الاميرة المختفية بداخلك والي بتخليها تطلع بأوقات معينة مثل عزيمة او عرس وتغطيها بكمية كبيرة من المكياج والكريمات حتى تطلعي بكامل اناقتك وكأنك عروسة الليلة واكيد اخذتي لك كم صورة لك وحسيتي حالك بقمة السعادة لأنك طلعتي احلى بنت بالكون كله ولما رجعتي للبيت راحت كل هي شغلات والسبب انك تعودتي تخفي جمالك الساحر بإهمالك لنفسك من حبوب بشرة واسمرار وزن زائد وغيرها من الي بتشوفيهم هم على قلبك ونفسك لمسة سحرية تزبطهم بس ما بيمشي حال .

لو في وحده حلوة وجمالها يا سلام بتشوفي رجلها خشنة ؟ بشرتها مشهبة أسنانها صفراء وجهها كله دهون شعرها خصلتين ورابطته ب فيونكة ما تلفت ! ما تجذب أصلا
أما لو وحدة نقول عاديه بشرتها تنطق جمال شعرها مثل الشلال أسنانها تلق نظافة خدودها ورديه وجسمها مرسوم ومرا ناعمه فالأكيد راح تلفت انتباهك وتجذب نظرك لها .

إخصار الموضوع لا تقولي عادي ما راح أعتني ما راح يصير شي ولا تقولي ما في مناسبه أو مالي خلق " فكري في نفسك وعطيها شوي من وقتك " أعتبري نفسك مثل الوردة لما تسقينها تثمر جمال وعبير جذاب .

اكبر غلط بتعملية انك تنتظري العريس يجي حتى تبدئي تهتمي بحالك وبجسمك وشعرك وبشرتك ..

كثير صبايا لما بتفكر تهتم بيكون بعد الخطبة الوقت بيكون قصير وما راح يطلع كل شي اهتمام عملته لان بعضها يحتاج الى اسابيع او اشهر ، صدقيني بعد فتره راح تشوفي موضوع ممل وتتوقفي عن هذا شي وكل الاشياء الي اشتريتيها من ماسكات وكريمات وزيوت راح تتواجد بالدرج وبعدين راح ترميها لانوا خلص وقتها او لأنك راح تشوفيها مالها داعي او قيمة .

لانوا البعض بمجرد ما توصل لغايتها ويتحقق حلمها الزواج و بعد شهر العسل يبدئ الكسل لا سباب كثيرة وهون ينتهي كل شي يبدى ايام تهتم وايام لا وهيك لحتي تنسي هي الشغلات كلها وممكن تستمر على كريمات فقط وهي لوحدها ما بتكفي . 

الى كل متزوجة :

لا تخلي الموضوع يصير من سيء لأسوء ما حده ينكر الضغط اللي بتعيشه المراءة من مسؤولية بيت وزوج وحمل ولادة وغيره بس هذا ما بيعني ابدا انك تهملي حالك على الاخر تأكدي شويت كريمات وماسكات ما راح تأخذ من وقتك كثير بس راح تفرق معك اكيد بنفسيتك بثقتك .

الى كل انثى ركزي على كلام هذا لأنه مهم جدا بدل ما تقعدي وتحكي عن فلانة وعلانة تغيرت وصارت احسن من اول اللي وصلت الخمسين وما عندها مشاكل بجسمها وشعرها واللي عرسها بعد كم شهر ومرتاحة ما عندها مشاكل ببشرتها او صحتها . 

اسالي نفسك إلى متى تشوفين شعرك قليل وما تحركتي ؟ إلى متى بشرتك باهته وعادي عندك ؟ إلى متى بتشوفين بنات وحريم أجمل منك ؟؟ لا تقولي جمالها طبيعي من الله ونعم بالله ماحكينا شي بس هي مهتمة ومعتنيه بهذا جمال ولو كانت مهمله كان اختفى كمان البشرة والشعر يتعرضوا لعوامل تعريه هههههههههههه فلازم تغذيه مو معقوله ان شامبو والمي بس راح تخليه كثيف او طويل مثل ما بتغذي نفسك غذي شعرك وبشرتك لا تعتني اسبوع وبعدين تجي تقولي ما فاد الشعر اقل شي عشان تشوفي نتائج من ست شهور الى سنة والبشرة راح تبدئي تلاحظي الفرق بسيط من اسبوع . 

الفرق بينك وبينها مو ان هي عندها ايدين او رجلين زياده لا الفرق ان هي قررت تشتغل على نفسها وصحتها بمناسبة او بدون مناسبة وانت قررتي تظلي متسطح طول السنة وكل شي فيك بده تهيئة و ضبط المصنع لا تقولي انا متزوجه وهي لا او انا موظفه وهي لا او انا عندي اطفال وهي لا لان كل عنده هي شغلات قولي ( ما بدي وما فيني حيل ) اي بصدق . 

كل اللي مطلوب منك تقعدي جلسة صادقة مع نفسك وتتغيري

 ( عشانك انت ) تأكدي انك جميلة بس مخبيه جمالك مثلك مثل اللي طايحين فيه كثير ( الفلاتر وغيره ) مع انك لو شلتيها واهتميتي بنفسك راح تتأكدي انك جميلة فاتنة وخلي عندك ثقه عمياء انو كل شي بتحصلي عليه لما تخلصي النية لله انوا كل هذا بفضل الله ..

نقطه حطيها بين عيونك وركزي عليها عشان الله يرزقك لا تحسدي  ولا تطالعي في رزق غيرك قولي ( اللهم اكفني بحلالك عن حرامك واغنني برحمتك عمن سؤالك ) إذا حسدتي بتتعبين وبتتقفل في وجهك كل واحد رزقه بيجيه لا تتمنين زوال النعمة من غيرك عشان ما تزول نعمك . 

وتأكدي انوا كثير امور راح تختلف تماما وانوا مع الاهتمام راح تنتهي ثلاث ارباع مشاكل ومع الاستمرار راح تتخلصي منها كلها وتكوني انثى الورد . 


اذا عجبك كلام وتحمستي ممكن نكمل جزء ثاني و لا تنسي تأخذي لك لفه صغيره على مواضيع خلطات الدلع والجمال  بمدونتي 

‏♫*:..｡ ♡*ﾟ¨ﾟﾟ･ ♫*:..｡♡*ﾟ¨ﾟﾟ･ ♫*:..｡♡*ﾟ¨ﾟﾟ･ ♫

لا يمكن ملاحظة الجمال بنظرة متسرعة الجمال هو التأمل الغرق في التفاصيل بدقة النظر بتأني له وكأنه أجمل شيء أبصرته العين.

سُبحانَكَ اللَّهمَّ وبحمدِكَ، أشهدُ أن لا إلَهَ إلَّا أنتَ أستغفرُكَ وأتوبُ إليكَ.